Од една продавница во шведскиот град Вестерос до глобалната компанија што сме денес, нашата приказна е приказна за раст и промени. Ние покажавме дека цената не го одредува дизајнот. Се здруживме со некои од најдобрите креативни умови за да им овозможиме на луѓето низ целиот свет да се доближат до дизајнерската облека.

Нашиот основач Ерлинг Персон тестирал идеја по идеја пред да добие инспирација која го доведе до отворање на неговата прва продавница за облека во 1947. Во време кога модата не била достапна за секого, тој имал идеја да продава прифатлива облека за жени. Продавницата ја нарекол „Hennes“, што е шведски збор за „нејзина“.

Промената е секогаш основата на нашиот бизнис. Со тоа што го направил достапно за сите, Ерлинг ја променил модата. Сега повторно треба да ја промениме модната индустрија, правејќи ја одржлива. Како голема компанија, имаме и голема одговорност. Нашата цел е да го промениме начинот на кој произведуваме и ја користиме облеката, но и начинот на кој се ослободуваме од неа.