គន្លឹះក្នុងការបង្កើតសោភ័ណ្ឌភាពដ៏អស្ចារ្យគឺការបញ្ចូលគ្នានូវបំណែកល្អៗ។ គន្លឹះក្នុងការកសាងក្រុមហ៊ុនដ៏អស្ចារ្យមួយគឺប្រមូលផ្តុំមនុស្សអង់អាចមោះមុត។
ពីហាងមួយនៅក្នុងទីក្រុងវ៉ាសតេរ៉ាស់នៃប្រទេសស៊ុយអែតទៅកាន់ក្រុមហ៊ុនសាកល ដែលយើងមានវត្តមានដល់សព្វថ្ងៃនេះ រឿងរ៉ាវរបស់យើងគឺជាផ្នែកមួយនៃការរីកចម្រើន និងការផ្លាស់ប្តូរ។ យើងបានបង្ហាញថា ការរចនាមិនមែនអំពីតម្លៃទេ។ ហើយយើងបានសហការជាមួយមនុស្សមួយចំនួនដែលមានគំនិតច្នៃប្រឌិតល្អបំផុតដើម្បីនាំយកម៉ូតសម្លៀកបំពាក់ទៅកាន់មនុស្សជុំវិញពិភពលោក។
ស្ថាបនិករបស់យើងឈ្មោះ Erling Persson បានសាកអនុវត្តពីគំនិតមួយទៅគំនិតមួយទៀតមុនពេលទទួលបាននូវគំនិតដែលបាននាំឱ្យគាត់បើកហាងលក់សម្លៀកបំពាក់ដំបូងរបស់គាត់នៅឆ្នាំ 1947 ។ នៅគ្រាដែលម៉ូតសំលៀកបំពាក់មិនអាចរកបានសម្រាប់មនុស្សគ្រប់គ្នា គាត់មានគំនិតចង់លក់សម្លៀកបំពាក់សម្រាប់ស្ត្រីក្នុងតម្លៃសមរម្យ។ គាត់បានដាក់ឈ្មោះហាងនេះថា ‘Hennes’ ដែលជាភាសាស៊ុយអែតមានន័យថា “របស់នាង”។
ការផ្លាស់ប្តូរតែងតែជាគុណតម្លៃស្នូលរបស់យើង។ Erling បានផ្លាស់ប្តូរម៉ូតដោយធ្វើឱ្យវាមានតម្លៃសមរម្យសម្រាប់មនុស្សគ្រប់គ្នា។ ឥឡូវនេះ យើងត្រូវផ្លាស់ប្តូរឧស្សាហកម្មម៉ូតសម្លៀកបំពាក់ម្តងទៀត ដោយធ្វើឱ្យវាកាន់តែមាននិរន្តរភាព។ ក្នុងនាមជាក្រុមហ៊ុនធំមួយ យើងមានទំនួលខុសត្រូវធំមួយ យើងមានបំណងផ្លាស់ប្តូរវិធីដែលយើងផលិត ប្រើប្រាស់ និងបោះចោលសម្លៀកបំពាក់ចាស់ៗ។
ស្វែងយល់បន្ថែមទៀត…